کراچی کے علاقے جہانگیر روڈ پر دو نوجوان فٹبال کھلاڑیوں کو گولی مار کر قتل کر دیا گیا۔

ڈان ڈاٹ کام کے مطابق جمشید کواٹرز پولیس نے بتایا یہ واقعہ جمعہ کی رات اس وقت پیش آیا جب موٹر سائیکل پر سوار مسلح افراد نے ایک فٹبال اسٹیڈیم میں بیٹھے افراد پر فائرنگ کر دی ۔ فائرنگ کے نتیجے میں دو افراد شدید زخمی ہوگئے اور انہیں تشویش ناک حالت میں ہستپال منتقل کیا گیا، جہاں وہ جانبر نہ ہو سکے۔

پولیس نے بتایا کہ ہلاک ہونے والے دونوں نوجوان فٹبال کے کھلاڑی تھے اور ان کی عمریں پچیس سے چھبیس سال کے درمیان تھیں۔ پولیس نے حملے کے محرکات کے بارے میں کچھ نہیں بتایا۔