بیان کے مطابق دتہ خیل کے علاقے الوار منڈی میں کی جانے والی اس بمباری میں دہشت گردوں کے پانچ ٹھکانے تباہ اور کم سے کم پچیس دہشت گرد ہلاک ہوگئے ہیں۔ دتہ خیل کا علاقہ افغانستان کے ساتھ ملنے والی سرحد کے قریب شمالی وزیرستان ایجنسی میں واقع ہے۔

 شمالی وزیرستان سمیت پاکستان کے نیم خود مختار قبائلی علاقوں کو دہشت گردوں اور شدت پسندوں کی محفوظ پناہ گاہ تصور کیا جاتا ہے۔

 پاکستانی فوج سن دوہزار چودہ سے ان علاقوں میں مسلسل زمینی اور فضائی کارروائی کررہی ہے۔ جس کے دوران ڈھائی ہزار سے زیادہ دہشت گردوں کو ہلاک کیا جاچکا ہے۔