پاکستان کے چیف آف آرمی اسٹاف جنرل قمر جاوید باجوہ نے کہا ہے کہ ایران کے ساتھ تعاون سے علاقے کی سیکورٹی میں بہتری آئی ہے۔

پاکستان کے آرمی چیف جنرل قمر جاوید باجوہ نے وزیر اعلیٰ بلوچستان جام کمال خان سے گفتگو میں صوبے کی سیکورٹی صورتحال پر بات چیت کی۔ اس موقع پر پاکستان کے آرمی چیف نے کہا کہ پاکستان ایران سرحد پر سیکورٹی رابطے و تعاون سے سیکیورٹی کی صورتحال میں بہتری آئے گی۔

اس موقع پر جنرل قمر جاوید باجوہ کا کہنا تھا کہ پاکستان کی ترقی کا امن سے گہرا تعلق ہے اور پاکستان کی خوشحالی بلوچستان کے امن واستحکام اور خوشحالی سے جڑی ہے۔

واضح رہے کہ پاکستان کا صوبے بلوچستان ایک جانب سی پیک اور گوادر بندرگاہ اور دوسری جانب ایران اور ایران کی چابہار بندرگاہ سے قریب واقع ہونے کی بنا پر خاص اہمیت کا حامل ہے۔