افغانستان سے غیر ملکیوں کو پاکستان منتقل اور کوئی فیصلہ امریکہ سے آزاد ہو کر نہ کئے جانے پر پاکستانیوں میں خاصی برہمی پائی جاتی ہے۔

پاکستان کی حزب اختلاف کی ایک جماعت پیپلز پارٹی کے ایک سینیئر رہنما رضا ربانی نے حکومت پاکستان کی جانب سے افغانستان کے مسئلے میں پارلیمنٹ کو اعتماد میں نہ لئے جانے پر کڑی تنقید و احتجاج کرتے ہوئے کہا ہے کہ اسلام آباد کی حکومت، خود سرانہ طور پر ہزاروں کی تعداد میں غیر پاکستانیوں کو پاکستان منتقل کرتی رہی ہے۔

جماعت اسلامی پاکستان کے امیر سینیٹر سراج الحق نے بھی افغانستان سے ہزاروں کی تعداد غیر پاکستانیوں کی پاکستان منتقلی پر احتجاج کرتے ہوئے کہا ہے کہ حکومت کو چاہئے کہ اپنا کوئی بھی فیصلہ امریکہ کی فرمانبرداری سے آزاد ہو کر کرے۔

انھوں نے امریکی حکومت اور جوبائیڈن کے رویے کو جانبدارانہ قرار دیا اور کہا کہ امریکی حکومت، علاقے میں پاکستان کو چھوڑ کر دیگر ملکوں کے ساتھ اسٹریٹیجک تعلقات مضبوط بنانے کی کوشش کر رہی ہے۔