سیاحت کی عالمی تنظیم یواین ڈبلیو ٹی او کی تازہ ترین رپورٹ میں کہا گیا ہے کہ اکواڈور کے بعد ایران دنیا کا دوسرا ملک بن گیا ہے جس نے غیر ملکی سیاحوں کو اپنے یہاں سب سے زیادہ تیز رفتاری کے ساتھ جذب کیا ہے

ایران کی وزارت ثقافتی میراث و سیاحت نے اپنے بیان میں کہا ہے کہ ایران کے محکمہ سیاحت نے دوہزار سترہ میں چالیس لاکھ آٹھ سو سڑسٹھ غیر ملکی سیاحوں کی میزبانی کی تھی اور دوہزار اٹھارہ میں اس تعداد میں انچاس فیصد اضافہ ہوا اور مجموعی طور پر سترلاکھ دو سو پچانوے غیر ملکی سیاحوں نے ایران کا سفر کیا اور یوں اکواڈور کے بعد ایران سیاحت کو تیزی سے فروغ دینے والا دنیا کا دوسرا بڑا ملک بن گیا - سیاحت کی عالمی تنطیم نے ایران کی سیاحت کی صنعت کی آمدنی کے بارے میں کوئی اعداد وشمار تو نہیں دی لیکن یہ کہا ہے کہ دوہزار سترہ میں غیرملکی سیاحوں کے ایران جانے سے ایران کو چار ارب ڈالر سے زیادہ کی آمدنی حاصل ہوئی تھی