پاکستان اور آسٹریلیا کے درمیان کھیلے گئے چوتھے ایک روزہ کرکٹ میچ میں آسٹریلیا نے پاکستان کو چھیاسی رن سے ہرا دیا۔

چوتھے ایک روزہ میچ میں آسٹریلیا نے پاکستان کو چھیاسی رن سے شکست دے کر سیریز میں تین، ایک سے برتری حاصل کرلی۔ آسٹریلیا نے پاکستان کو جیت کیلئے  تین سو چوّن رن کا ہدف دیا لیکن پاکستان ٹیم دو سو سڑسٹھ رن پر آؤٹ ہوگئی۔

اس سے قبل آسٹریلیا نے ٹاس جیت کر پہلے بیٹنگ کرتے ہوئے مقررہ پچاس اووروں میں چھے وکٹ کے نقصان پر تین سو ترپن رن بنائے جس میں ڈیوڈ وارنر کے ایک سو تیس رن شامل رہے۔

ڈیوڈ وارنر کو شاندار بیٹنگ پرمین آف دی میچ قراردیا گیا۔

سیریز کا آخری میچ چھبیس جنوری کو ایڈیلیڈ میں کھیلا جائے گا۔