روس نے امریکہ کو متنبہ کرتے ہوئے کہا ہے کہ وہ شام کے حوالے سے سوچ سمجھ کر قدم اٹھائے۔

خبر رساں ادارے اسپوٹنک کی رپورٹ کے مطابق روس کے وزیر خارجہ سرگئی لاوروف نے جرمنی کے اپنے ہم منصب کے ساتھ مشترکہ پریس کانفرنس سے خطاب کرتے ہوئے کہا کہ شام کے خلاف امریکی جارحیت کا جواب دیا جائے گا۔

روسی وزیر خارجہ نے کہا کہ امریکہ کیمیائی ہتھیاروں کو بہانہ بنا کرشام کی فوج کی دہشت گردوں کے خلاف جاری آپریشن میں خلل ڈالنے کی کوشش کے ذریعے دہشت گردوں کی حمایت کررہا ہے ۔

سرگئی لاوروف نے کہا کہ اگر امریکہ نے شام کے خلاف کسی جارحیت کا ارتکاب کیا تو روس اس کا بھر پور جواب دے گا۔