پاک و ہند کے مابین لائن آف کنٹرول پرفائرنگ
Sep ۱۳, ۲۰۱۹ ۰۹:۰۶ Asia/Tehran
پاکستان اور ہندوستان کی فورسز کے مابین ایک بار پھرلائن آف کنٹرول پرفائرنگ ہوئی ہے۔
پاکستان نے دعوی کیا ہے کہ ہندوستان کی فوج نے ایک بار پھر سیز فائر معاہدے کی خلاف ورزی کرتے ہوئے ایل او سی پر بلااشتعال فائرنگ کی جس کے نتیجے میں پاکستانی فوج کا ایک اہلکار ہلاک ہو گیا۔
پاک فوج کے شعبہ تعلقات عامہ آئی ایس پی آر کے مطابق ہندوستانی فوج نے ایل او سی کے حاجی پیر سیکٹر میں فائرنگ کی جس سے پاک فوج کا سپاہی غلام رسول ہلاک ہوا۔
واضح رہے کہ ہندوستان اور پاکستان ایک دوسرے پرلائن آف کنٹرول پرسیز فائرکی خلاف ورزی کے الزامات عائد کرتے رہتے ہیں۔
