SAHAR

انٹر فیکس نیوز ایجنسی کے مطابق کرملن ہاؤس کے ترجمان دیمتری پسکوف نے ایک پریس کانفرنس میں بتایا ہے کہ روس کے صدر ولادیمیر پوتین نے اپنے فرانسیسی ہم منصب امانوئل میکرون سے ٹیلیفونی گفتگو میں شہید جنرل قاسم سلیمانی پر امریکا کے دہشت گردانہ حملےکے بارے میں تبادلہ خیال کیا۔ 

دیمتری پسکوف نے بتایا کہ روسی صدر نے اس ٹیلیفونی گفتگو میں شہید جنرل سلیمانی کے قتل کے نتائج کی بابت تشویش کا اظہار کیا۔ انھوں نے کہا کہ اس خطے میں امریکی اقدامات کشیدگی بڑھارہے ہیں ۔

اس سے پہلے روسی وزارت خارجہ کی ترجمان ماریا زخارویا نے جنرل قاسم سلیمانی کے قافلے پر امریکا کے دہشت گردانہ حملے کو ناقابل قبول بتایا تھا۔ انہوں نے کہا تھا کہ امریکا کسی بھی قیمت پر مغربی ایشیا میں طاقت کا توازن بدلنا چاہتا ہے۔ 

اسی طرح امریکی سینیٹ کی خارجہ روابط کمیٹی کے چیئر مین کنسٹانٹین کاساچیف نے بھی امریکا کو اس دہشت گردانہ حملے کے نتائج کی بابت خبردار کیا تھا۔