چین کی صحت انتظامیہ نے آج بروز اتوار کہا کہ ملک میں کورونا وائرس سے مزید 27 اموات ہوئی ہیں جس کے بعد اس وائرس سے مرنے والوں کی تعداد بڑھ کر 3097 ہو گئی ہے۔

چین کی صحت انتظامیہ کا کہنا ہے کہ 44 نئے کیسزکی تصدیق ہوئی ہے جو کورونا وائرس سے متاثر ہیں۔ اس دوران 84 مشتبہ کیسز کو بھی نگرانی میں رکھا گیا ہے۔

ہفتہ کے روز 1661 افراد کو اسپتال سے چھٹی دی گئی۔ چینی ہیلتھ کمیشن کے مطابق کہا کہ 458 مشتبہ افراد پائے گئے ہیں جبکہ 23074 افراد اس وقت زیر علاج ہیں۔

واضح رہے کہ اب تک دنیا کے 103 ممالک کورونا وائرس کی زد میں آ چکے ہیں اور اس موذی وائرس سے دنیا بھر میں مرنے والوں کی تعداد قریب 3600 ہو گئی ہے۔