امریکا کے لاس اینجلس شہر میں بے گھر افراد کی تعداد مسلسل بڑھتی جا رہی ہے اور بے گھر افراد نے خیمے لگا کر فٹ پاتھ بند کر دیا ہے۔

امریکی شہر لاس اینجلس کے باشندوں کا کہنا ہے کہ فٹ پاتھ پر خیمے لگائے جانے کی وجہ سے جرم اور جرائم میں اضافہ ہو رہا ہے جبکہ علاقے میں کوڑے کی بھر مار ہوگئی ہے جس کی وجہ سے گندگی رہتی ہے۔

اے بی سی چینل نے رپورٹ دی ہے کہ امریکی ریاست کیلفورنیا کے لاس اینجلس شہر میں فٹ پاتھ پر بے گھر افراد کی جانب سے ٹینٹ لگائے جانے کی وجہ سے لوگ سڑکوں پر چلنے پر مجبور ہیں۔

چینل کے اینکر کا کہنا ہے کہ جنوبی کیلفورنیا کے اس بحران کو کنٹرول کرنے کے لئے کوئی فوری حل تلاش نہیں کیا جا رہا ہے جس کی وجہ سے بحران مزید بڑھ سکتا ہے۔