دہلی میں امریکہ مخالف مظاہرہ
خطے میں امریکہ کے مداخلت پسندانہ اقدامات کے خلاف ہندوستان کے مسلمانوں نے دارالحکومت نئی دہلی میں مظاہرہ کیا۔
مظاہرے میں شریک لوگ امریکہ اور اسرائیل مردہ باد کے نعرے لگا رہے تھے۔ مظاہرین نے امریکی صدر کے جانب سے بیت المقدس کو اسرائیل کا دارالحکومت تسلیم کیے جانے کے مذمت کی۔
مظاہرے کے شرکا نے امریکہ اور اسرائیل کو انسانیت کا سب سے بڑا دشمن بھی قرار دیا۔
مختلف مقررین نے مظاہرے کے شرکا سے خطاب کیا اور اسرائیل کو پوری دنیا کی سلامتی کے لیے سنگین خطرے سے تعبیر کیا۔ مقررین کا کہنا تھا کہ بیت المقدس صرف اور صرف فلسطین کا دارالحکومت ہے اور امریکہ اور صیہونی حکومت کا، اس مقدس شہر پر کوئی حق نہیں۔
ہندوستان کی مسلم اور غیر مسلم سیاسی اور سماجی تنظیموں نے حالیہ چند روز کے دوران مظاہروں اور بیانات کے ذریعے بیت المقدس کے بارے میں امریکی صدر کے شرانگیز اقدامات کی شدید الفاظ میں مذمت کی ہے۔