SAHAR

ہندوستان کے وزیراعظم نریندر مودی نے ہندوستان کے دورے پر دہلی پہنچے فرانس کے صدر ایمینوئیل میکرون کا ایئرپورٹ پر خیرمقدم کیا ۔

فرانس کے صدر ایمینوئیل میکرون 4 روزہ دورے پر کل دیررات پہنچے اور نریندر مودی پروٹوکول توڑ کر ان کا خیرمقدم کرنے کے لئے خود ایئرپورٹ پہنچے ۔

مسٹر میکرون اپنے دورے کے دوران دو دن کی سولر الائنس کانفرنس میں شرکت کریں گے ۔

یہ کانفرنس آج دہلی میں شروع ہوگی جو کل تک جاری رہے گی۔ اس کانفرنس میں تقریبا 60 ملکوں کے نمائندے شریک ہوں گے۔

فرانسیسی صدر اپنے اس دورے میں ہندوستانی حکام کے ساتھ دوطرفہ اور باہمی اہمیت کے حامل علاقائی اور بین الاقوامی امور پر بھی تبادلہ خیال کریں گے ۔