Aug ۱۴, ۲۰۲۰ ۱۱:۵۲ Asia/Tehran
  • چوبیس گھنٹوں میں اٹھانوے بار جنگ بندی کی خلاف ورزی

جارح سعودی اتحاد نے گذشتہ چوبیس گھنٹوں کے دوران اٹھانوے بار الحدیدہ میں جنگ بندی معاہدے کی خلاف ورزی کی ۔

المسیرہ ٹی وی نے جمعرات کو رپورٹ دی کہ جارح سعودی اتحاد الحدیدہ جنگ بندی کی خلاف ورزی کے ساتھ ہی یمن کے دیگر علاقوں کو بھی اپنے حملوں کا نشانہ بنا رہا ہے۔

جارح سعودی اتحاد نے اسٹاک ہوم سمجھوتے کی اب تک ذرہ برابر بھی پابندی نہیں کی ہے۔ اسٹاک ہوم سمجھوتے میں الحدیدہ میں جنگ بندی کی پابندی پر زور دیا گیا تھا۔ عالمی برادری نے بھی سعودی عرب کی جانب سے اسٹاک ہوم سمجھوتے کی باربار پامالی پر کوئی اقدام نہیں کیا ہے۔ ایک اور رپورٹ کے مطابق یمن کی فوج اور رضاکار فورس نے داعش دہشتگردوں کے خلاف کارروائی میں صوبہ بیضاء کی وادی عزج پر کنٹرول حاصل کر لیا ہے۔

سعودی عرب، امریکہ، متحدہ عرب امارات اور چند دیگر عرب ممالک کی مدد سے مارچ دو ہزار پندرہ سے یمن پر حملے کر رہا ہے اور اس غریب عرب ملک کا زمینی، بحری اور فضائی محاصرہ بھی کئے ہوئے ہے۔جارح سعودی اتحاد اب تک سولہ ہزار یمنی شہریوں کو شہید ، دسیوں ہزار کو زخمی اور لاکھوں کو بے گھر اور دربدر کر چکا ہے۔

 

دنیا بالخصوص عالم اسلام اور علاقے کی اہم خبروں کے لیے ہمارا واٹس ایپ گروپ جوائن کیجئے!

Whatsapp invitation link (11) : https://chat.whatsapp.com/BWheYzgo6g14jMJDBW62qg

ٹیگس