سعودی عرب میں ایک اور مسجد شہید+ ویڈیو
Dec ۰۸, ۲۰۲۰ ۰۷:۱۲ Asia/Tehran
سعودی عرب کے پولیس اہلکاروں نے مشرقی علاقے میں واقع القطیف ضلع کے العوامیہ قصبے میں مسجد کی توہین کی اور اس کی بے حرمتی کرتے ہوئے توڑ پھوڑ کی۔
رپورٹ موصول ہونے تک سعودی پولیس کی کچھ گشتی گاڑیاں، مسجد کے پاس تعینات تھیں۔
یہ مسجد جس میں سعودی پولیس نے توڑ پھوڑ کی، العوامیہ قصبے کے جنوبی حصے میں الزرا محلے میں واقع ہے۔
یہ وہ مسجد ہے جس میں سعودی عرب کے سینئر مذہبی رہنما شہید شیخ باقر النمر، آل سعود کے مظالم کو اجاگر کیا کرتے تھے۔
اس بارے میں القطیف شہر کے ایک کارکن نے ٹوئٹر پر بتایا کہ سعودی پولیس نے حضرت امام حسین علیہ السلام مسجد کی توہین و بے احترامی کرتے ہوئے اس میں توڑ پھوڑ بھی کی۔
