SAHAR

امریکی صدر نے ایک بار پھر ایران سے تیل کی خریداری جاری رکھنے والے ملکوں کے خلاب تادیبی کارروائی کی دھمکی دی ہے۔

ڈونلڈ ٹرمپ نے صحافیوں کے سوالوں کے جوابات دیتے ہوئے کہا کہ امریکہ چار نومبر کے بعد بھی ایران سے تیل کی خریداری جاری رکھنے والے ملکوں کی نگرانی کرے گا۔واضح رہے کہ چین اور ہندوستان سمیت دنیا کے بہت سے ملکوں نے اعلان کیا کہ وہ امریکی پابندیوں کو خاطر میں لائے بغیر ایران سے تیل کی خریداری کا سلسلہ جاری رکھیں گے۔امریکہ نے آٹھ مئی کو ایران کے ساتھ ہونے والے ایٹمی معاہدے سے یکطرفہ طور پر علیحدگی اور تہران کے خلاف پابندیاں دوبارہ عائد کرنے کا اعلان کیا تھا۔ایران کے خلاف امریکی پابندیوں کا نیا مرحلہ چار نومبر سے شروع ہوگا اور امریکہ نے دنیا بھر کے ملکوں سے کہا ہے کہ وہ ایران سے تیل کی خریداری کا سلسلہ بالکل منقطع کردیں۔