دہلی کے وزیراعلی اروند کیجری وال پر پریس کانفرنس کے دوران جوتا پھینکا گیا جو اسٹیج سے پہلے ہی گرگیا

دہلی کے وزیراعلی اروند کیجری وال ، نائب وزیراعلی منیش سسودیا اور نقل و حمل کے وزیرگوپال رائے پندرہ اپریل سےمرکزی دارالحکومت میں طاق وجفت منصوبہ دوبارہ شروع کرنے کے بارے میں دہلی سکریٹریٹ میں پریس کانفرنس کررہے تھے کہ اسی وقت ‏عام آدمی سینا نامی تنظیم کے ایک نوجوان نے ان پر جوتا پھینکا -

جوتا پھینکنے سے پہلے نوجوان نے کافی شور بھی مچایا-

اروندکیجری وال پرجوتے کے علاوہ سی ڈی اور انڈے بھی اچھالے گئے -

عام آدمی پارٹی نے اس واقعے کے بعد وزیراعلی کیجری وال کی سیکورٹی کو لے کر تشویش ظاہر کی ہے -

کیجری وال پر اس قسم کے حملے کا یہ پہلا واقعہ نہیں ہے اس سے پہلے بھی ان پر سیاہی ، انڈے اور پتھر پھینکے گئے یہاں تک کہ انہیں طمانچہ بھی مارا گیا -

کچھ عرصے قبل ہی ریاست پنجاب کے دورے میں لدھیانہ شہر میں ان کی گاڑی پر بھی حملہ کیا گیا تھا جس میں ان کی گاڑی کے شیشےٹوٹ گئے تھے -