ہندوستان نے ایران کی چاہ بہار بندرگاہ کے ذریعے افغانستان سے تجارت کا آغاز کر دیا ہے۔

مہر خبررساں ایجنسی کی رپورٹ کے مطابق ہندوستان  نے ایران کی چاہ بہار بندرگاہ  کے ذریعے افغانستان سے تجارت کا آغاز کرتے ہوئے گندم سے لدا پہلا جہاز روانہ کر دیا ہے۔ ہندوستان کی جانب سے یہ شپمنٹ افغانستان کے لیے ایک تحفہ ہے جس کو کنڈالا کی مغربی بندرگاہ سے بھیجا گیا تھا اور افغانستان کے ٹرک ایرانی بندرگا چاہ بہار سے گندم کوافغانستان لے جائیں گے۔

ہندوستانی وزیر خارجہ سشما سوراج کا کہنا تھا کہ یہ شپمنٹ بھارت، افغانستان اور ایران کے درمیاں خطے میں تجارت اور کاروبار کو فروغ دینے کا آغاز ہے۔ واضح رہے کہ ہندوستان، ایران اور افغانستان کی جانب سے گزشتہ سال جون میں اس پورٹ کو متعارف کرایا گیا جس کا ایک بڑا مقصد افغانی مصنوعات کو ہندوستان کی مارکیٹ تک رسائی دلانا تھا۔