ہندوستان کے زیر انتظام کشمیر کے سابق وزیر اعلیٰ فاروق عبد اللہ نے ہندوستان اور پاکستان سے مطالبہ کیا ہے کہ وادی میں امن کی بحالی کے لیے مسئلے کا حل تلاش کریں۔

سری نگر میں میڈیا سے گفتگو کرتے ہوئے فاروق عبداللہ نے ہندوستانی وزیر اعظم نریندر مودی اور پاکستان کے وزیر اعظم شاہد خاقان عباسی سے اپیل کی ہے کہ کشمیر میں امن  کی بحالی کے لیے اقدامات کریں۔ ان کا کہنا تھا کہ اب وقت آگیا ہے کہ وادی میں خونریزی بند اور امن بحال ہو۔

چند روز پہلے ہندوستان کے زیر انتظام کشمیر کی وزیر اعلیٰ محبوبہ مفتی نے بھی ہندوستان اور پاکستان سے کہا تھا کہ وہ مذاکرت کے ذریعے کشمیر کےمسئلے کا حل نکالیں۔