ہندوستان نے پاکستان کے راستے افغانستان کو گندم فراہم کرنے کا فیصلہ کیا ہے۔

رپورٹ میں بتایا گیا ہے کہ ہندوستان، پاکستان کے راستے پچاس ہزار میٹرک ٹن گندم کی امداد افغانستان بھیجے گا۔

ہندوستانی میڈیا کے مطابق پاکستان سے دو ماہ کی بات چیت کے بعد افغانستان کو زمینی راستے سے ہندوستانی امداد بھیجنے پر اتفاق ہو گیا ہے۔

پچاس ہزار میٹرک ٹن ہندوستانی گندم اٹاری واگھا بارڈر سے پاکستان بھیجا جائے گا، جہاں سے گندم اقوام متحدہ کے ورلڈ فوڈ پروگرام کی امداد کے ساتھ طورخم بارڈر سے افغانستان پہنچایا جائے گا۔

رپورٹ کے مطابق گندم کی پہلی شپمنٹ کا آغاز فروری کے دوسرے ہفتے سے کیا جائے گا۔