SAHAR

کویت کی پارلیمنٹ کے اسپیکرمرزوق علی الغانم نے بھی ڈاکٹرعلی لاریجانی کے نام اپنے پیغام میں لکھا ہےکہ گروپ پانچ جمع ایک کے ساتھ ایران کا ایٹمی معاہدہ تمام ممالک کے لئے مسرت کا باعث بنا اور یہ معاہدہ خطے کی اقوام کے ایک دوسرے کے قریب آنے، خطے کے استحکام کے لئے کی جانے والی کوششوں میں اضافے اور زیادہ سے زیادہ ترقی و پیشرفت اور آرام و آسائش پرمبنی اقوام کی امنگوں اور اہداف کے پورا کرنے پر منتج ہوگا۔

جارجیا کی پارلیمنٹ کے اسپیکر ڈیوڈ اوساپا شویلی نے بھی ایران اور گروپ پانچ جمع ایک کے درمیان ہونے والے ایٹمی معاہدے پر اپنی مسرت کا اظہار کرتے ہوئے ڈاکٹر علی لاریجانی کے نام اپنے پیغام میں لکھا ہے کہ مشترکہ جامع ایکشن پلان مذاکرات کے فریقین کے لئے عظیم کامیابی کا حامل تھا۔

 واضح رہے کہ اسلامی جمہوریہ ایران اورگروپ پانچ جمع ایک کے درمیان بارہ برس کے مذاکرات کے بعد آخرکاررواں سال چودہ جولائی کو ایران کی پرامن ایٹمی سرگرمیوں کے بارے میں غلط فہمیوں کو دور کرنے اور پابندیوں کے خاتمے سے متعلق ایٹمی معاہدہ ہو گیا۔