SAHAR

اسپین کے وزیرخارجہ نے اپنے دورہ ایران کا مقصد دونوں ملکوں کے تعلقات میں فروغ لانا قرار دیا اورکہا کہ پابندیاں گذشتہ برسوں میں ملت ایران کے لیے تکلیف کا باعث بنیں-

گارسیا مارگالو نے اس بات کا ذکر کرتے ہوئے کہ اسپین، بنیادی سازوسامان بنانے کی صلاحیت رکھتا ہے، کہا کہ وہ اس سلسلے میں ایران کی مدد کرسکتا ہے-

قابل ذکر ہے کہ اسپین کے وزرائے خارجہ، تعمیرات و صنعت، توانائی اور سیاحت چالیس رکنی تجارتی اور صنعتی وفد کے ساتھ ایران کے تین روزہ دورے پر ہیں- اس وفد میں اسپین کے تاجر اور تیل جیسی اہم صنعتوں کے بڑے صنعت کار شامل ہیں -

 یہ سیاسی ، اقتصادی اور صنعتی وفد تہران اوراصفہان میں ایرانی حکام سے ملاقات اورمذاکرات کے ساتھ ہی ایرانی صنعت کاروں کے ساتھ ایک اجلاس میں دو طرفہ اقتصادی اور ثقافتی تعلقات کے فروغ کی راہوں کا جائزہ لے گا-