SAHAR

 نیویارک میں اقوام متحدہ کی فورتھ کمیٹی کے اجلاس سے خطاب کرتے ہوئے ایرانی سفیر اسحاق آل حبیب نے خبردار کیا کہ عالمی سطح پر حکومت امریکہ کے شرمناک اور خود سرانہ اقدامات کے عالمی امن و سلامتی پر گہرے منفی اثرات مرتب ہو رہے ہیں۔ انہوں نے اقوام متحدہ پر زور دیا کہ وہ متعلقہ ملکوں کی معاشی اور سماجی ترقی پر امریکہ کے خودسرانہ اقدامات کے منفی اثرات سے عالمی برداری کو آگاہ کرنے کی غرض سے اپنی ذمہ داریوں پر عمل کرے۔

اقوام متحدہ میں ایران کے سفیرنے عالمی امن و سلامتی کے فروغ کی اپیل کرتے ہوئے کہا ہے کہ اسلامی جمہوریہ ایران تشدد اور انتہا پسندی سے عاری دنیا کے قیام اور تہذیبوں کے درمیان گفتگو کی بھرپور حمایت کرتا ہے۔اسحاق آل حبیب نے مسئلہ فلسطین کی جانب اشارہ کرتے ہوئے کہا کہ اسلامی جمہوریہ ایران سمجھتا ہے کہ مسئلہ فلسطین کے حوالے سے اقوام متحدہ پر بھاری ذمہ داریاں عائد ہوتی ہیں۔