SAHAR

قومی ٹیلی ویژن کے چینل ون سے گفتگو کرتے ہوئے وزیر خارجہ ڈاکٹر محمد جواد ظریف کا کہنا تھا کہ ایران کو یہ قانونی حق حاصل کہ وہ جب چاہے اور جس طرح چاہے امریکہ کے دہشت گردانہ حملے کا جواب دے۔

وزیر خارجہ ڈاکٹر محمد جواد ظریف نے جنرل قاسم سلیمانی کو جنرل آف پیس قرار دیتے ہوئے کہا کہ انہوں نے ساری زندگی دہشت گردی اور تشدد کے خلاف جنگ میں بسر کی اور امریکہ نے ایسے شخص کو نشانہ بناکر دہشت گردی کا ارتکاب کیا ہے۔ 

وزیر خارجہ ڈاکٹر محمد جواد ظریف نے کہا کہ امریکیوں نے خود کو ایسے دام میں پھنسا لیا ہے جس کے نتیجے میں انہیں خطے سے نکلنا پڑے گا۔ انہوں نے کہا کہ جنرل قاسم سلیمانی کو شہید کرنے کا امریکی اقدام کھلی دہشت گردی، عراق کے اقتدار اعلی اور مسلمہ عالمی قوانین کی خلاف ورزی ہے۔