ایران کی وزارت صحت کی ترجمان سیما سادات لاری نے جمعے کے روز اعلان کیا ہے کہ گزشتہ چوبیس گھنٹے میں ملک میں کورونا سے گیارہ ہزار سات سو سینتیس افراد متاثر ہوئے جن میں سے دو ہزار نو سو سڑسٹھ کو اسپتالوں میں داخل کرایا گیا اور بقیہ کو ضروری دوائیں دے کر اپنے گھروں میں قرنطینہ رہنے کی ہدایت کی گئی۔

انھوں نے بتایا کہ گزشتہ چوبیس گھنٹے میں کورونا سے چار سو اکسٹھ افراد جاں بحق ہوئے جبکہ مجموعی طور پر جاں بحق ہونے والوں کی تعداد چالیس ہزار پانچ سو بیاسی ہو گئی ہے۔

انھوں نے بتایا کہ ایران میں کورونا کے سات لاکھ اڑتیس ہزار تین سو بائیس مریضوں میں سے پانچ لاکھ چھیالیس ہزار چھے سو بیالیس افراد کورونا کو شکست ددے کر اسپتالوں سے ڈسچارج ہو چکے ہیں۔