SAHAR

صدارتی امیدوار محسن رضائی نے آيت اللہ ابراہیم رئیسی کی کامیابی پر ان کے نام تہنیتی پیغام جاری کیا ہے۔

 محسن رضائی نے اپنے پیغام میں لکھا ہے کہ انتخابات 2021 میں عالمی مبصرین اور بین الاقوامی تجزیہ کاروں کی نگرانی و نظارت میں بھرپور شرکت نے ایک بار پھر ثابت کر دیا ہے کہ ایران کی سرافراز قوم اسلامی نظام کی پاسداری، اس کے استحکام اور سلامتی کے لئے کسی بھی کوشش کو فروگذاشت نہیں کرتی اور بلاشک اس عظیم اور کڑے امتحان ميں ہماری قوم نے اپنی مجاہدت کی تاریخ میں ایک اور زریں باب کا اضافہ کر دیا ہے۔  

صدارتی امیدوار محسن رضائی نے اپنے اس تہنتی پیغام میں رہبر انقلاب اسلامی، ایران کی غیور قوم اور ملت ایران کے منتخب صدر آيت اللہ رئیسی کو مبارکباد پیش کی ہے۔

واضح رہے کہ ابھی انتخابی نتائج کا سرکاری طور سے اعلان نہیں کیا گیا ہے۔