ایران میں کورونا کی شدت برقرار
Jul ۳۱, ۲۰۲۱ ۲۰:۳۴ Asia/Tehran
ایران میں بھی کورونا کی نئی لہر پوری شدت کے ساتھ جاری ہے۔
ایران کی وزارت صحت نے سنیچر کو اعلان کیا ہے کہ گزشتہ چوبیس گھنٹے میں کورونا کے انیس ہزار آٹھ سو چھیالیس نئے مریضوں اور دو سو چھیاسی اموات کا اندراج کیا گیا۔
ایران میں کورونا سے متاثرین کی مجموعی تعداد سینتس لاکھ اکہتر ہزار آٹھ ہے جن میں سے نوے ہزار چھے سو تیس مریض ، جان کی بازی ہار گئے اور تینتس لاکھ سڑسٹھ ہزار دو سو بہتر افراد کورونا کو شکست دینے میں کامیاب رہے ہیں۔
ایرانی وزارت صحت کے مطابق ایران میں اب تک پچانوے لاکھ باون ہزار پانچ سو چھبیس لوگوں کو کورونا ویکسین کی پہلی اور چھبیس لاکھ اٹھتر ہزار تین سو گیارہ افراد کو کورونا ویکسین کی دوسری ڈوز لگائی جا چکی ہے۔