ایرانی فلم "لب خند ماسک" مزید تین عالمی انعامات کی حقدار
مختصر دورانیے کی ایرانی فلم "لب خند ماسک" یا اسمائل آف دی ماسک نے مزید تین بین الاقوامی انعامات حاصل کر لیے۔
ہدایتکار عباس غزالی کی فلم اسمائل آف دی ماسک کا عالمی سفر کامیابی کے ساتھ جاری ہے اور اس بار اسے اٹلی کے لایف آفٹر ایول ، امریکہ کے جیروم اور اسپین کے جیزونا فلمی میلوں کے دوران غیر ملکی زبانوں کی بہترین فلم قرار دیا گیا۔ یہ فلم اپنےعالمی سفر کے دوران اس وقت امریکہ کے نیوفلم میکرز، آسٹریلیا کے مینا اور اٹلی کے نیولین فلم فیسٹیول میں بھی موجود ہے۔
مختصر دورانیے کی ایرانی فلم لبخند ماسک یا اسمائل آف دی ماسک اس سے پہلے برازیلین فلم فیسٹیول ، ساوتھ امریکن فلم فیسٹیول اور ساؤپاؤلو فلم فیسٹیول کی جانب سے بھی کئی عالمی اعزازات حاصل کرچکی ہے۔ دنیا کے بیس معتبر فلمی میلوں میں شرکت کرنے والی یہ ایرانی فلم کورونا کے پیک کے دوران، ایک انتہائی اہم سماجی مسئلہ تیزاب پھینکنے کے تلخ واقعات کے بارے میں بنائی گئی ہے۔
