SAHAR

امیر قطر ایران کے حکام سے ملاقات کے لئے تہران کے دورے پر ہیں

رپورٹ کے مطابق قطر کے امیر شیخ تمیم بن حمد آل ثانی جمعرات کو ایک اعلی سطحی سیاسی و اقتصادی وفد کے ہمراہ اسلامی جمہوریہ ایران کے دورے پر تہران پہنچے جہاں ایران کے نائب صدر نے ان کا پرتپاک استقبال کیا۔

امیرقطرصدر ایران کی دعوت پر تہران آئے ہیں، امیر قطر اوران کے ہمراہ وفد اپنے ایک روزہ دورہ تہران میں ایران کے اعلی حکام سے ملاقات و گفتگو کرے گا جبکہ، صدر مملکت اور امیر قطر مشترکہ پریس کانفرنس سے خطاب بھی کریں گے۔

قطر، اسلامی جمہوریہ ایران کی خارجہ پالیسی میں ترجیحات میں شامل ملکوں میں سے ایک ہے اور دونوں ملکوں کے درمیان گہرے تعلقات ہیں جس میں روز بروز اضافہ ہو رہا ہے۔