گزشتہ دنوں یوم مادر کی مناسبت پر خواتین کے اجتماع سے خطاب کرتے ہوئے رہبر انقلاب اسلامی نے گزشتہ مہینوں کے دوران دشمن کی سازشوں کے تحت ایران میں رونما ہونے والے واقعات کے تناظر میں گفتگو کی اور فرمایا کہ دشمن ایران کے سلسلے میں غلط اندازوں کا شکار ہے۔ آپ نے فرمایا کہ ’’دشمن سوچ رہا تھا کہ ایرانی قوم، معاشی مشکلات کی وجہ سے -کہ جو موجود ہیں- تختہ پلٹنے اور ملک کو توڑنے کی دشمن کی سازش کا ساتھ دے گي، یہ ایک غلط اندازہ تھا‘‘۔