دشمن ہمارا کچھ نہیں بگاڑ سکتا؛ ایڈمرل علی رضا تنگسیری
سپاہ پاسداران انقلاب اسلامی کی بحریہ کے سربراہ ایڈمرل تنگسیری نے کہا ہے کہ نیا سال ہماری جنگی صلاحیت اور عالمی استکبار کے خلاف مزاحمت میں اضافے اور اسلام کے بہادر سپوتوں کے عزم و ارادے کی بدولت مزید کامیابیوں کا سال ثابت ہوگا۔
سحرنیوز/ایران: سپاہ پاسداران انقلاب اسلامی کی بحریہ کے سربراہ ایڈمرل علی رضا تنگسیری نے نئے سال کے آغاز پر آبنائے ہرمز اور خلیج فارس کے جزیروں میں تعینات میزائل، ڈرون اور دفاعی یونٹوں کا معائنہ کیا اور تازہ ترین صورتحال کا جائزہ لیا۔انہوں نے کہا کہ آج اسلام کا محاذ کفر کے مقابلے میں پوری قوت سے ڈٹا ہوا ہے۔
ہمیں قرآن اور اہل بیت اطہار علیہم السلام سے وابستہ ہو کر اپنے ایمان کو زیادہ سے زیادہ مضبوط کرنا ہوگا۔ یقین رکھیں کہ دشمن ہمارا کچھ نہیں بگاڑ سکتا۔ جب وہ ہمارے سامنے آئیں گے تو راہِ فرار اختیار کرنے پر مجبور ہوجائیں گے۔ اگر ہم خدا کے فرمان پر عمل کریں تو اس کی مدد ملنا یقینی ہے۔
