SAHAR

صیہونی حکومت نے بیت المقدس شہر سے ڈیڑھ سو فلسطینیوں کو گرفتار کر لیا ہے۔

فلسطین کے انفارمیشن سینٹر کی رپورٹ کے مطابق فلسطینی قیدیوں کی حمایت کے مرکز نے منگل کے روز ایک بیان میں کہا کہ صیہونی حکومت نے حالیہ دس دنوں میں ڈیڑھ سو فلسطینیوں کو گرفتار کر لیا ہے جن میں سے زیادہ تر کم عمر اور نوجوان ہیں-

مسجد الاقصی پر صیہونیوں کے حملوں میں شدت آنے کے بعد سے مقبوضہ شہر بیت المقدس میں چند دنوں سے فلسطینی جوانوں اور اسرائیلی فوجیوں کے درمیان جھڑپیں ہو رہی ہیں- صیہونی حکومت مسجد الاقصی پر مکمل طور پر قبضہ جمانے اور اسے مسلمانوں اور یہودیوں کے درمیان زمانی اور مکانی اعتبار سے تقسیم کرنے کے اپنے مذموم منصوبے کو عملی جامہ پہنانے کے درپے ہے۔