یمن کی اعلی انقلابی کمیٹی کے سربراہ نے یمنی عوام کو فریضہ حج سے محروم کرنے سے متعلق سعودی عرب کے اقدام کی شدید مذمت کی ہے-

یمن کی سبا نیوز ایجنسی کی رپورٹ کے مطابق یمن کی اعلی انقلابی کمیٹی کے سربراہ محمد علی الحوثی نے جمعرات کے روز ایک بیان میں عیدالضحی کی مبارک باد پیش کرتے ہوئے تاکید کے ساتھ کہا کہ یمنی عوام کو فریضہ حج سے محروم کرنے سے متعلق سعودی عرب کا اقدام،انسانی، اخلاقی، دینی اور اسلامی اقدار کے منافی ہے جو سعودی حکومت کی جانب سے یمنی عوام کے محاصرے کے دائرے میں انجام پایا ہے-