SAHAR

مالدیپ کے نائب صدر کی گرفتاری

مالدیپ کے صدر عبدالقیوم کی کشتی میں دھماکے کے الزام میں نائب صدر احمد ادیب کو گرفتار کرلیا گیا ہے۔

مالدیپ کی پولیس کے ترجمان اسماعیل علی نے بتایا ہے کہ احمد ادیب کو سنیچر کے دن، چین کے سرکاری دورے سے واپسی پر ایئر پورٹ ہر ہی گرفتار کرلیا گیا۔ مالدیپ کی پولیس کے میڈیا سیل کے حوالے سے ایک اور رپوررٹ میں بتایا گیا ہے کہ نائب صدر احمد ادیب کو گرفتار کرکے دھونی دھو جزیرے کی جیل میں منتقل کردیا گیا ہے۔

رپورٹوں میں بتایا گیا ہے کہ مالدیپ کے نائـب صدر احمد ادیب نے صدر عبدالقیوم کی کشتی میں ہونے والے دھماکے میں ملوث ہونے کے الزام کو سختی کے ساتھ مسترد کیا ہے۔یاد رہے کہ اٹھائیس ستمبر کو مالدیپ کے صدر عبدالقیوم کی کشتی میں دھماکہ ہوگیا تھا۔ اس دھماکے میں صدر عبدالقیوم محفوظ رہے لیکن ان کی اہلیہ اور دو دیگر افراد زخمی ہوگئے تھے۔