SAHAR

شامی فوج نے اپنی کامیابیوں کا سلسلہ جاری رکھتے ہوئے پینسٹھ دہشت گردوں کو ہلاک کردیا اور ہتھیاروں اور گولہ بارود سے بھری چالیس میٹر لمبی ایک سرنگ کو تباہ کردیا-

شام کی نیوز ایجنسی سانا کی رپورٹ کے مطابق شامی فوج نے شمالی لاذقیہ کے مضافات میں "القاموع" اور "الکفر سند" پہاڑیوں نیز"کروم خسات" نامی دیہات پر مکمل کنٹرول حاصل کرلیا- اس کاروائی میں شامی فوج نے، ریف حلب میں داعش دہشت گرد گروہ کی چودہ گاڑیوں اور دیرالزور میں ان کی ایک سرنگ کو تباہ کردیا اور حماہ اور حمص میں پینسٹھ دہشت گردوں کو بھی ہلاک کردیا-

شام کی فضائیہ نے بھی جبھۃ النصرہ کے دو ٹھکانوں اور داعش دہشت گرد گروہوں کی متعدد گاڑیوں کو ریف حمص میں تباہ کردیا- شامی فوج کے لڑاکا طیاروں نے اسی طرح شہر تدمر کے مضافات نیز القریتین کے مضافاتی علاقے التلول السود میں، داعش کے ٹھکانوں پر بھی بمباری کی ہے-