عراقی فوج نے صوبہ نینوا کے علاقے القیارہ میں دہشت گرد گروہ داعش کے ٹھکانوں پر توپ خانے سے حملہ کیا ہے جس کے نتیجے میں کم از کم پچیس دہشت گرد ہلاک ہو گئے۔

عراقی نیوز ایجنسی واع کی رپورٹ کے مطابق عراقی فوج نے القیارہ کے علاقے میں داعش کے ٹھکانوں کو توپ خانے اور مارٹر توپوں سے نشانہ بنایا ہے جس کا مقصد موصل شہر کے جنوبی حصے پرعراقی فوج کے حملے کا راستہ ہموار کرنا ہے۔

عراق کے صوبہ نینوا کو دہشت گردوں کے قبضے سے آزاد کرانے کے لیے الفتح آپریشن بدھ کی رات سے شروع کیا گیا جس میں فوج، عوامی رضاکار فورس اور کرد پیشمرگہ ملیشیا شریک ہیں۔

واضح رہے کہ صوبہ نینوا کا مرکز موصل عراق میں داعش کا سب سے بڑا گڑھ ہے۔