SAHAR

یمن کے اسکولوں اور کالجوں کے طلبا نے دارالحکومت صنعا میں مظاہرہ کر کے سعودی عرب کی وحشیانہ جارحیتوں کی مذمت کی ہے

پرس ٹی وی نے خبردی ہے کہ یمنی طلبا نے مظاہرے کے دوران سعودی عرب سے اپنی شدید نفرت و بیزاری کا اعلان کرتے ہوئے کہا کہ سعودی عرب نے اپنے حملوں کے دوران حتی اسکولوں، تعلیمی مراکز اور تفریحی مقامات کو بھی نہیں چھوڑا اور اس نے یمن کا ہر طرف سے محاصرہ کر کے اس ملک کو تباہ کر دیا ہے - یمن کے طلبا نے اپنے ملک کے داخلی معاملات میں سعودی عرب اور امریکا کی مداخلتوں کو فوری طور پر بند کئے جانے کا مطالبہ کیا - مظاہرین کا کہنا تھا کہ یمنی عوام اپنی مشکلات خود حل کر سکتے ہیں اور انہیں کسی دوسرے ملک کی مداخلت کی ضرورت نہیں ہے - یمنی طلبا نے ملک میں ہرقسم کے فرقہ وارانہ اختلاف کی خبروں کو مسترد کرتے ہوئے کہا کہ پورا یمن متحد ہے-