SAHAR

انتہا پسند صیہونیوں نے ایک بار پھر مسجد الاقصی پر حملہ کیا ہے۔

فلسطین انفارمیشن سینٹر کی رپورٹ کے مطابق انتہا پسند صیہونیوں نے اسرائیلی فوجیوں کے ساتھ مل کر بدھ کو بھی مسلمانوں کے قبلہ اول مسجد الاقصی پر حملہ کیا- اس درمیان کچھ انتہا پسند عیسائیوں نے بھی جو امریکا سے مشرقی بیت المقدس پہنچے ہیں، مسجد الاقصی کی بےحرمتی کی کوشش  کی ہے-

خبروں میں بتایا گیا ہے امریکا سے مشرقی بیت المقدس پہنچنے والے انتہا پسند عیسائیوں نے دیوار ندبہ کے قریب یہودیوں کی رسومات کی ادائیگی میں شرکت تو کی مگر ان کی صیہونی انتہاپسندوں سے اس وقت جھڑپ ہو گئی جب انہوں نے اس حصے میں داخل ہونے کی کوشش کی جہاں یہودی عورتیں رسومات ادا کر رہی تھیں-

گذشتہ ایک برس سے مسجد الاقصی پر صیہونی انتہا پسندوں کے حملے کافی تیز ہو گئے ہیں اور ان حملوں کو روکنے کے لئے فلسطینیوں نے تحریک انتفاضہ قدس شروع کر رکھی ہے۔