شامی فوج نے صوبہ دیرالزور میں دہشت گرد گروہ داعش کے ایک بڑے اڈے پر حملہ کر کے دہشت گردوں کو بھاری جانی اور مالی نقصان پہنچایا ہے۔

شام کے ٹیلی ویژن چینل الاخباریہ نے خبر دی ہے کہ دیرالزور میں شامی فوج کے حملے میں بڑی تعداد میں دہشت گرد ہلاک ہوئے ہیں-

اس حملے میں دہشت گردوں  کا فوجی ساز و سامان بھی تباہ ہو گیا-

شامی فوج نے اس سے پہلے صوبہ دیرالزور کے ہی علاقے تلہ الصنوف میں داعش کے ٹھکانوں پر حملہ کیا تھا- شامی فوج نے دیرالزور ہوائی اڈے کے اطراف میں  بھی دہشت گردوں کے ٹھکانوں کو تباہ کر دیا-

شام کے مشرق میں واقع صوبہ دیرالزور عراق کی سرحد کے قریب واقع ہے۔ تیل سے مالا مال شہر دیرالزور دو ہزار چودہ سے دہشت گردوں کے محاصرے میں ہے- داعش دہشت گرد گروہ اس علاقے کا تیل چوری کر کے ترکی کی منڈیوں میں فروخت کرتا ہے-