بیت المقدس میں فلسطینی مظاہرین پر صیہونی فوجیوں کا حملہ
Mar ۰۷, ۲۰۱۸ ۱۷:۲۲ Asia/Tehran
صیہونی فوجیوں نے بیت القدس کے شمال میں یوم خواتین کی مناست سے کئے جانے والے فلسطینیوں کے مظاہرے پر حملہ کر کے کئی فلسطینیوں کو زخمی کر دیا۔
وفا نیوز ایجنسی کی رپورٹ کے مطابق فلسطینیوں کا یہ مظاہرہ بدھ کے روز قلندیا کیمپ سے شروع ہوا اور وہ بیت المقدس کے شمال میں واقع قلندیا چیک پوسٹ کی طرف بڑھ رہے تھے۔
یہ مظاہرہ فلسطینی خواتین سماج سے وابستہ قومی و اسلامی گروہوں کی اپیل پر کیا گیا۔
مقامی ذرائع اور عینی شاہدوں کا کہنا ہے کہ قلندیا چیک پوسٹ پہنچنے پر صیہونی فوجیوں نے مظاہرہ کرنے والے فلسطینیوں کے خلاف صوتی بم اور آنسو گیس کا استعمال کیا جس کے نتیجے میں کئی فلسطینیوں کی حالت غیر ہو گئی اور ان کا دم گھٹنے لگا۔
