غاصب صیہونی حکومت نے ایک بار پھر غزہ کو اپنی وحشیانہ جارحیت کا نشانہ بنایا ہے۔

غاصب صیہونی حکومت کے جنگی طیاروں نے بدھ کی صبح دیرالبلح میں النصیرات کیمپ کے قریب فلسطینیوں کی ایک گاڑی کو اپنے حملے کا نشانہ بنایا۔ یہ ایسی حالت میں ہے کہ صیہونی حکومت نے غزہ کے شمالی علاقوں پر گولہ باری بھی کی۔

غاصب صیہونی حکومت کی جارحیت پر ردعمل کا اظہار کرتے ہوئے فلسطین کی اسلامی مزاحمتی تحریک حماس نے خبردار کیا ہے کہ صیہونی حکومت کی جارحیت کا منھ توڑ جواب دیا جائے گا۔

غاصب صیہونی حکومت کئی برسوں سے غزہ کے علاقے کا محاصرہ کئے ہوئے ہے اور وہ بارہا غزہ کے علاقے کو اپنی جارحیت کا نشانہ بنا چکی ہے جس کے نتیجے میں ہزاروں فلسطینی شہید و زخمی ہو چکے ہیں۔