سعودی اتحاد کے جنگی طیاروں نے مغربی یمن میں ایک گاڑی پر حملہ کرکے متعدد عام شہریوں کو شہید کردیا ہے۔

المسیرہ ٹیلی ویژن کے مطابق سعودی اتحاد کے جنگی طیاروں نے اتوار کی صبح صوبہ حجہ کے شہر عبس میں ایک پرائیویٹ گاڑی کو نشانہ بنایا ہے۔

اس حملےمیں کم سے کم سات عام شہری شہید اور متعدد زخمی ہوگئے۔اس حملے سے تھوڑی دیر قبل سعودی جنگی طیاروں نے صوبہ الحدیدہ کے شہر الحالی پر بھی بمباری کی تھی جس میں پانچ عام شہری شہید اور متعدد زخمی ہوگئے تھے۔

دوسری جانب سعودی جارحیت کے جواب میں یمنی فوج اور عوامی رضاکار فورس کے جوانوں نے صوبہ حجہ کے شہر حیران میں سعودی اتحاد کے ٹھکانوں پر میزائل سے حملہ کیا ۔اس حملے میں سعودی اتحاد کو جانی اور مالی نقصان اٹھانا پڑا ہے جس کی تفصیلات فوری طور پر معلوم نہیں ہوسکی ہیں۔