SAHAR

جنوب مشرقی افغانستان میں ہونے والے بم دھماکے میں کم سے کم چھبیس افراد مارے گئے ہیں۔

 افغان حکام کے مطابق یہ دھماکہ جمعے کی دو پہر صوبہ خوست میں قائم افغان فوج کی ایک چھاؤنی کی مسجد  میں اس وقت ہوا جب لوگوں کی بڑی تعداد نماز جمعہ کی ادائیگی میں مصروف تھی۔
 دھماکے میں چھیتر افراد زخمی بھی ہوئے ہیں جن میں سے متعدد کی حالت نازک ہے جس کے پیش نظر مرنے والوں کی تعداد میں مزید اضافہ ہو سکتا ہے۔
 اس سے پہلے افغان حکام نے دہشت گردی کے اس واقعے میں مرنے والوں کی  تعداد بارہ بتائی تھی۔
 تاحال کسی فرد یا گروہ نے اس حملے کی ذمہ داری قبول نہیں کی ہے۔