شمالی الخلیل پر غاصب صیہونی فوجیوں کی یلغار
Sep ۳۰, ۲۰۱۹ ۱۴:۴۲ Asia/Tehran
صیہونی فوجیوں نے غرب اردن کے شہر الخلیل کی ایک کالونی پر رات میں حملہ کیا ہے
تسنیم نیوز ایجنسی کے مطابق صیہونی فوجیوں نے اتوار کی رات شمالی الخلیل کے بیت امّر کالونی پر دھاوا بول دیا جس کے بعد جھڑپیں شروع ہوگئیں اور اس دوران کئی فلسطینی زخمی ہوگئے۔ صیہونی فوجیوں نے اسی طرح اتوار کی شام شمالی غزہ پٹی کے بیت حانون پاس کو پوری طرح بند کردیا۔غاصب صیہونی حکومت نے فوج کے اس قدم کی وجہ یہودیوں کے مذہبی تیوہار کو بتایا ہے۔ بیت حانون سے ہی فلسطینی مریضوں کو اردن ، یا غرب اردن منتقل کیا جاتا ہے ۔ اسی طرح دنیا بھر کے سفارتکاروں ، صحافیوں ، غیرملکی وفود ، لیبروں اور تاجروں کو غزہ پٹی میں داخل ہونے کے لئے بیت حانون پاس سے گذرنا پڑتا ہے۔