حکومت عوام کی خدمت کے لیے پوری قوت کے ساتھ سرگرم عمل رہے گی
صدر ڈاکٹر مسعود پزشکیان کا عوام کی خدمت کے عزم کا اعادہ؛ قومی اتحاد کی بدولت ظالمانہ حملوں کا مقابلہ کریں گے۔
سحرنیوز/ایران: اسلامی جمہوریہ ایران کے صدر ڈاکٹر مسعود پزشکیان نے کابینہ کے اجلاس کے موقع پر گفتگو کرتے ہوئے اس عزم کا اعادہ کیا ہے کہ حکومت عوام کی خدمت کے لیے پوری قوت کے ساتھ سرگرم عمل رہے گی اور کسی بھی قسم کی رکاوٹ کو برداشت نہیں کیا جائے گا۔
انہوں نے گزشتہ ایک ماہ کے دوران عوام کے بھرپور تعاون پر ملت ایران کا شکریہ ادا کرتے ہوئے کہا کہ عوام نے اس دوران میدان خالی نہیں چھوڑا، جس کے ہم قدردان ہیں۔
صدر پزشکیان نے مستقبل کے حوالے سے امید کا اظہار کرتے ہوئے ملت اور حکومت کے مسلسل عزم پر زور دیا۔
ان کا کہنا تھا کہ ہم قومی طاقت اور اتحاد پر بھروسہ کرتے ہوئے اس ظالمانہ حملے کے سامنے ڈٹ جائیں گے اور عزت کے ساتھ اس راستے کو پایہ تکمیل تک پہنچائیں گے۔
انہوں نے مزید کہا کہ قوم کی استقامت اور ہمارے مشترکہ عزم کے سائے میں، ہم اس جارحیت کا مقابلہ کریں گے اور اس وقت تک کھڑے رہیں گے جب تک کہ ہم فتح و عزت کے ساتھ اپنے مقاصد حاصل نہیں کر لیتے۔ یہ اتحاد اور یکجہتی ہی ہماری سب سے بڑی طاقت ہے جو ہمیں مشکلات پر قابو پانے میں مدد دے گی۔
ہمیں فالو کریں:
Follow us: Facebook, X, instagram, tiktok whatsapp channel
