شام ؛ الرقہ میں دھماکا ، سات جاں بحق و زخمی
May ۰۳, ۲۰۲۱ ۱۶:۱۵ Asia/Tehran
شمالی شام کے صوبہ رقہ میں ایک موٹر سائیکل بم دھماکے میں سات افراد جاں بحق اور زخمی ہوگئے-
شام کی سرکاری نیوز ایجنسی سانا کی رپورٹ کے مطابق یہ دھماکا صوبہ الرقہ کی مضافاتی کالونی السلوک میں ہوا ہے جس کے نتیجے میں دوافراد ہلاک اور پانچ زخمی ہوگئے۔
اس رپورٹ کے مطابق یہ موٹرسائیکل بم دھماکا ترکی کے حمایت یافتہ گروہوں کے زیرقبضہ علاقے الصناعہ میں ہوا ہے ۔
شمالی اور مشرقی شام کے علاقوں پر ایک عرصے سے ترکی ، امریکہ اور ان سے وابستہ عناصرکا قبضہ ہے ۔
شام کی حکومت نے بارہا زور دے کرکہا ہے کہ ملک میں ترکی کے فوجیوں اور اس سے وابستہ عناصرکی موجودگی شام کے اقتدار اعلی کی خلاف ورزی ہے ۔
