شمالی اور مغربی افغانستان میں نامعلوم مسلح افراد کے حملے میں سات عام شہر ی مارے گئے۔ ۔

طلوع نیوز کے مطابق ، نامعلوم مسلح افراد نے اتوار کی شام صوبہ ہرات کے شہر انجیل میں ایک ہی خاندان کے پانچ افراد کو گولیاں مار کر قتل کردیا ہے۔ مرنے والوں میں تین کم سن بچے اور ان کی ماں بھی شامل ہے۔اس سے پہلے ، نامعلوم مسلح افراد نے صوبہ بلخ میں فائرنگ کرکے دو نوجوان لڑکوں کو موت کے گھاٹ اتار دیا تھا۔

گزشتہ چندماہ کے دوران افغانستان کے مختلف علاقوں میں مسلح حملے اور بم دھماکے ہوتے رہے ہیں جن میں زیادہ تر کی ذمہ داری دہشت گرد گروہ داعش نے قبول کی۔افغانستان میں طالبان کے اقتدار میں آنے کے بعد،اس ملک کے مختلف شہروں میں اغوا اور قتل کے واقعات میں اضافے کا مشاہدہ کیا جارہا ہے۔