صیہونی فوجیوں کا قدس میں روزہ دار فلسطینیوں پر حملہ، 19 زخمی
Apr ۰۴, ۲۰۲۲ ۰۹:۳۵ Asia/Tehran
اسرائیلی فوجیوں نے ظلم و بربریت کا مظاہرہ کرتے ہوئے روزہ دار فلسطینیوں پر حملہ کیا، جس میں 19 فلسطینیی روزہ دار زخمی ہوئے۔
المیادین ٹی وی کے مطابق، غاضب صیہونی فوجیوں نے باب العامود اور مسجدالاقصی کے صحن میں روزہ دار فلسطینی عوام پر حملہ کیا اور فلسطینیوں کے مذھبی پروگرام کو خراب کرنے کی کوشش کی جس کے نتیجے میں فلسطینیوں اور صیہونی فوجبیوں کے مابین تصادم ہوا۔ صیہونی فوجیوں نے ربر کی گولیاں چلائیں جس سے 19 فلسطینی روزہ دار زخمی ہو گئے۔
اسلامی مزاحمتی تحریک حماس نے بیت المقدس اور مسجدالاقصی میں غاصب صہیونی حکومت کے اقدامات کی بابت سخت خبردار کیا ہے۔
