فلسطین کی اسلامی مزاحمتی تحریک حماس کی فوجی شاخ نے اپنے خصوصی دستوں کی ٹریننگ کا ویڈیو جاری کر دیا ہے جس کے بعد اسرائیلی خیمے میں ہنگامہ مچ گیا ہے۔

فارس نیوز ایجنسی کی رپورٹ کے مطابق حماس کی فوجی شاخ القسام بریگیڈ نے اپنی فوجی چھاونی میں زبردست فوجی مشقیں انجام دیں اور اس کا ویڈیو سوشل میڈیا پر پوسٹ کر دیا۔

سوشل میڈیا پر اس ویڈیو کے پوسٹ ہوتے ہی یہ ویڈیو وائرل ہو گیا۔ القسام بریگیڈنے اپنی سرکاری ویب سائٹ پر فوجی مشقوں کا ویڈیو جاری کیا ہے اور کہا کہ یہ حماس کی ایک فوجی چھاونی پر کی گئی فوجی مشقوں کا ویڈیو ہے۔

2014 میں غزہ پر اسرائیل کے حملے کے دوران ہی غزہ پٹی سے لگی سرحد پر اسرائیلی چھاونیوں پر حملے اور غزہ میں گھسنے والے اسرائیلی فوجیوں سے ٹکر لینے کی ذمہ داری القسام بریگیڈ کے اسپیشل دستے پر بھی اور اس نے جنگ کے میدان میں اسرائیلی فوجیوں کو کراری شکست دی اور انہیں غزہ سے پسپائی پر مجبور کر دیا تھا۔