SAHAR

مقبوضہ فلسطین میں غاصب صیہونی فوج نے نابلس شھر پر حملہ کیا ہے جہاں اس کی فلسطینی فورسز کے ساتھ جھڑپوں کی اطلاع ہے۔

سحرنیوز/عالم اسلام: ایران پریس نے فلسطینی شھاب نیوز کے حوالے سے خبر دیتے ہوئے لکھا ہے کہ غاصب صیہونی فوج نے نابلس میں بیت فوریق کی جانب سے حملہ کیا جس کے بعد اس کی فلسطینی مزاحمتی فورسز سے جھڑپیں شروع ہو گئیں۔ رپورٹ کے مطابق صیہونی فوج نےعوریف گاؤں پر حملہ کرکےفلسطینی قیدی کید صباح کے گھر کا محاصرہ کر لیا۔ شمالی رام اللہ میں بھی صیہونی فوج نے سنجل علاقے میں حملہ کیا اور فلسطینی مزاحمتی فورسز کے ساتھ اس کی جھڑپوں کی خبر ہے۔ جب کہ دوسری طرف فلسطینی مزاحمتی فورسز نے جنین شھر میں صیہونی فوج کا ڈرون طیارہ مار گرایا ہے۔